ट्रेकर कसा असतो?
तथाकथित जगाहून वेगळी, पण त्याच जगाशी आपला मेळ राखीत आपल्याच विश्वात रमणारी जमात म्हणजे ट्रेकर्स. तो कसा असतो? ट्रेक म्हणजे कर्मधर्मसंयोगाने घडलेली किंवा मित्र घेऊन जातात म्हणजे करावयाची चैन नाही, तर तो असतो एक धर्म. श्वासा-श्वासांत, नसानसांत भिनलेली एक ऊर्जा. रात्री झोपेत आणि दिवसा जागतेपणे पाहिलेले स्वप्न. ट्रेकरची खरी ओळख म्हणजे हीच. तर हा प्राणी ओळखायचा कसा? सोप्पं आहे हो. खाली दिलेली काही जंत्री जुळली की त्याला खात्रीने ट्रेकर म्हणा.
- केस अगदी बारीक कापलेले आणि दाढी, कल्ले किंवा मिशा काही तरी हौसेने कोरलेली. पण सोमवारी केलेली दाढी आठवड्यात करण्याचा प्रचंड कंटाळा. त्यामुळे फक्त सोमवारी तुळतुळीत दाढी आणि इतर दिवशी खुंट.
- हाताच्या नखांच्या आजूबाजूचे सालं हमखास निघालेली असतात.
- मान, कानांच्या पाळ्या उन्हाने करपलेल्या असतात.
- चेहरा आणि पावडर-फेसक्रीम यांचा संबंध कधीतरी स्वतःच्याच लग्नाबिग्नात आलेला.
- डॉक्टरने कधीतरी गुडघा दुखतो म्हणून ट्रेक कमी करायला सांगितलेले असतात. पण तो सल्ला या पठ्ठ्याने हमखास धुडकावलेला असणार.
- फॉर्मल कपडे आणि शूज म्हणजे एखाद्या जगात सगळ्यात असह्य गोष्ट मानणारा. त्याऐवजी कार्गो ट्राऊझर आणि टीशर्ट ओवणारा (कपडे परिधान करणे नाही, ओवणेच).
- कळकटलेली जीन्स ही घरात बळेच घेतली तरच धुवायची असते असे मानणारा.
- खरेदी करताना या कपड्याची किंवा शूजची ट्रेकसाठी किती उपयुक्तता आहे या एकाच निकषावर खरेदी करणारा.
- ब्लॅक, ग्रे, ब्राऊन, बिज, ऑलिव्ह ग्रीन यापलीकडे रंग असतात हे गावीही नसते
- ट्रेकसाठी वेगळा बुटांचा जोड असलेला. लेदर ऐवजी कॅनव्हासच्या बुटांना पसंती देणारा.
- वुडलॅंडने कितीही आऊटडोअर म्हणून जाहिरात केली तरी बुटांची निरुपयुक्तता कायम जाणून असणारा. त्याऐवजी ऍक्शन ट्रेकर या स्वस्त बुटांना आपले म्हणणार.
- नियमित ट्रेकर कधीच ट्रेकला हाफ बाह्यांचे टीशर्ट/पॅंट किंवा जीन्स घालणार नाही. त्याऐवजी पूर्ण अंग झाकेल असाच टीशर्ट आणि ढगळ ट्राऊझर घालणार. त्यातही वर दिलेले तीनचार रंगच असणार.
- चष्मा असला तरी फायबरच्या फ्रेमचा घेणार.
- प्रवासात कमीत कमी गरजा असलेला. तीन दिवसांच्या मुक्कामासाठीही फक्त एकच लहान सॅक घेणार.
- बाटलीबंद पाणी म्हणजे निव्वळ चैन असे मानणार (किंबहुना माझ्यासारखा ते पाणी अगदी गरम जरी प्यायले तरी सर्दी होणारा).
- मिळेल ते जेवण आणि मिळेल तशी जागा “किती सही आहे” असे म्हणणार.
- कुणीही सोबत असले आणि कितीही वेळा किल्ला पाहिला तरी पुन्हा पुन्हा भटकणार.
- अंताक्षरी-छाप ट्रिप्स आणि पिकनिक्समध्ये काडीमात्र इंटरेस्ट नसणार.
- सिरियल्स पहायची की सर्व्हायवल स्टोरी यावरुन घरी रिमोटची खेचाखेची होणार.
- टीम गेट टुगेदरसाठीही रिव्हर राफ्टिंग किंवा रॉक क्लाइंबिंग अशा ऍक्टिव्हिटीज सुचवणार.
- टाय-डेला हमखास याच्याकडे घालयला चांगला टाय नसणार, पण पन्नास फुटी रोप नक्की असणार.
- सगळे रस्ते माहित असणार. गोव्यापासून कुत्र्याच्या चाव्यापर्यंत सगळी माहिती असणार. कालवणापासून मालवणापर्यंत आख्खी दुनिया पालथी घालणार. पण ऑफिसात कुणी वीकेंडला फॅमिली घेऊन जायला जवळची जागा विचारली तर विचारात पडणार.
- शहरात बाईकने फिरताना वाहतुकीचे नियम पाळणार, हेल्मेट नियमित वापरणार.
- याच्या कीचेनला बायकोने दिलेल्या बाहुली किंवा बदामात कोरलेल्या नावाच्या आद्याक्षराऐवजी कॅरिबिनर आणि होकायंत्र असणार.
- पाकिटात गणपतीच्या फोटोसोबतच एखादे बॅंडएड नक्की असणार.
- चॉकलेट खाल्ले तरी त्याचे रॅपर खिशातच ठेवणार आणि घरी जाऊन डस्टबिनमधेच टाकणार, त्याच्या गाडीचे पीयुसी अपटूडेट असणार.
- वॉशरुममधले उघडे नळ स्वतः बंद करणार.
- मोबाईल घेताना जीपीएसवाला घेणार. ट्रेकचा एक वेगळा मोबाईल आणि बीएसएनएलचे सिमकार्ड असणार. मोबाईलमध्ये लुनार कॅलेंडर आणि डिजिटल कंपास हमखास इन्स्टॉल केलेले असणार.
- आठवडाभर इंटरनेटवर नवनवीन ठिकाणं आणि त्याची माहिती शोधणार.
- याच्या ब्राऊझर बुकमार्क्समध्ये डेकॅथलॉन, प्लेग्राऊंडॉनलाईन अशा साईट्स असणार. हा सतत त्यावर हेडटॉर्च, कॅरिबिनर, स्लीपिंग बॅग, टेंट यांच्या किंमती पाहणार.
- निम्मे इमेल्स फक्त आणि फक्त ट्रेक्सबद्दलचे असणार.
- दिवसातून किमान तीन मित्रांशी ट्रेकबद्दल चॅट करणार, लिंका पाठवणार.
- पुढली जोडून सुट्टी कधी येतेय हे त्याला माहित असणार.
- शुक्रवारीच ऑफिसला जाताना मोठ्ठी सॅक घेऊन जाणार.
- सोमवारी आल्यावर याचे डोळे लाल होऊन तारवटलेले असणार, थोडेसे पाय दुखत असणार, तरीही मोठा तीर मारुन आल्याचा भाव चेहर्यावर मिरवणार.
- याच्याकडे एकतरी स्विसनाईफ नक्की असणार आणि आणखी जास्त फंक्शनवाला याला हवाहवासा वाटणार.
- अमेरिकेतून येणार्या मित्राला (किंवा मित्राच्या मित्राच्या मित्राला) मोठा सर्व्हाववल नाईफ आणता येईल का हे विचारणार.
- अनोळखी व्यक्तीला काका, मामा, भाऊ, मावशी, काकू, ताई म्हणायला अजिबात नाही लाजणार .
- एकवेळ दगडूशेठ आणि सिद्धीविनायक कमी वेळा आठवतील पण रतनवाडीचा अमृतेश्वर, रायरेश्वर, वाघजाई अधिक वेळा आठवणार.
- रायगडावर कितीही वेळा जाऊन येणार.
- दिवसातून एकदा तरी कोकणकड्यावरुन झोपून डोकावण्याचे स्वप्न पाहणार.
- “एएमके”च्या ट्रेक कुणी बजेटमध्ये घेऊन जातोय का त्यावर नजर ठेवणार.
- सह्याद्रीवर मनापासून प्रेम करणार.
- राजांचा इतिहास माहित असणार.
- गडकिल्ला दुरुन पाहिला तरी छाती चार इंच वर येणार.
- कितीही गबाळा असला तरी स्मार्ट असणार
Ekadam bhari…….
Thanks.
100 % Kharay.
mastach re Pankya !
dhanyavad Sumit.
HATS OFF ! ! ! Triwaaar hats off ! Aprateem ahe kewal ! Kahiii observations na patnari…. kimbahuna Naveen hoti mazyasathi but baki ek an ek superb !
welcome to the blog Apurva.
Trekking is religion.
बराच अनुभव असावा तुझ्याकडे या संदर्भात..
अगदीच सुंदर लिहीले आहेस..
तुझा प्रत्येक शब्दन शब्द पटला.
निसर्गावर/स्वत:वर आभाळा एवढं प्रेम करणारा म्हणजे ट्रेकर.. हे माझ्या मते.
हर्षद, आहे थोडा फार अनुभव. बराच म्हणावा असा नाही पण.
Khupach bhari….:)
तंतोतंत लागू.फार भारी आहे
डॉक्टरने कधीतरी गुडघा दुखतो म्हणून ट्रेक कमी करायला सांगितलेले असतात. पण तो सल्ला या पठ्ठ्याने हमखास धुडकावलेला असणार.
shaharat rahanara, IT madhe kaam karnara trekker asa asto. hya palikadache trekkers tula pan mahiti astil, mala mahiti ahet
हो. त्यापलीकडचे ट्रेकर्स मलाही माहित आहेत. सॅंडल आणि शिंप्याने शिवलेली पॅंट घालून ताडपत्रीच्या पिशवीत सामान घेऊन ट्रेक करणारे ट्रेकर्स.
प्रत्येक ट्रेकेर ने वाचल्यावर त्याची छाती चार इंच वर झाली असणार ,
भन्नाट observation आणि तेवढ्याच अनुभवामुळे उत्कृष्ट लेखन झाले आहे .
कसलं सही निरीक्षण…!..ट्रेकला जाणार्या प्रत्येकाने नोंद केलीच पाहिजे असं!
मस्त!
lay bhari….
superb. . . .
केवळ अप्रतिम
Khoop Chann Yaar
अप्रतिम वर्णन Pankaj.
Awesome!!!
Killer The Pankaz
Thanks "Buddy".
खुप सुंदर! अगदी तंतोतंत!
Baryachshya mhanaje agadi baryachshya goshti agadi tantotant julalya, ekdam jabardast warnan kele aahat sir tumhi..aaplya bhashet bolayache tar lay maja aali bhawu
..!!
Hi Pankaj…
This is karuna 4m Maharashtra Times. really nice written, not only this article bt ur all articles are just superb! u write in a simple language dat touches to the heart… keep writing n give us thrilling xprinces through ur bhatkanti…
Mitra pahilyanda konitari dusaryane apalyabaddal shabhar takke barobar lihilay asa vatatay…………..khup chhan….ekhi vakya thodahi ekadetikade nahi….100/100….!
True stories never change, in same way tracker’s never change there habits, It’s a superb, fantastic… keep mailing me & let me have new track information, I wish to do after my motorcycle expedation
Far bhari !! Ekch Number
आईच्या गावात…आपण असेच असतो …..हे अगदी तंतोतंत लिहिलंयस …..
“एएमके”च्या ट्रेक कुणी बजेटमध्ये घेऊन जातोय का त्यावर नजर ठेवणार : झकास ….हे निरीक्षण फक्त ट्रेकर ला माहिती आहे….हा ट्रेक कितीही वेळा केला तरी ह्याची सर दुसऱ्या कोणत्याही ट्रेक ला नाही….
Girishikharancha raja…..khup sunder..
khup chhannnn…………sagle mitra athavle….
अतिशय सुरेख.. "खरा" ट्रेकर असाच असतो..अगदी अचूक वर्णन.!!
Pankaj Very Nice………..
yatla shabd n shabd khara ahe…… sundar likhan, apratim varnan… khupach sundar .
ekunach zakkaaaaaaaaasssss post ahe hi….
एकदम भारी !!!!!!
Hi pankaj
तुम्ही खूप मस्त लिहिता, तुम्ही खूप अनुभवी ट्रेकर आहात. तुम्ही लिहल्या प्रमाणे, आणि माज्या मते ट्रेकर याची नळ आई नंतर गड किल्ल्याशी जोडणारी असावी, आणि त्याचे मन सह्याद्री रमणारा. गुगल मध्ये सर्चे करताना सुरक्षित ट्रेक हि लिंक दिसले आणि वाचनाचा खजाना हाती लागला खरचं मस्त लिहिता. धन्यवाद…